नेपालको मानचित्रमा प्रदेश नं. ३ को मध्यभागमा  अवस्थित सिन्धुली एक पहाडी जिल्लाहो । यस प्राकृतिक रुपमा यो जिल्ला भित्री मधेशको समथर भूमि देखि लिएर पहाडी भुभाग रहेको जिल्ला हो । तराईको चुरे क्षेत्र देखि लिएर पहाडी महाभारत सम्म फैलिएको यो जिल्ला झण्डै नेपालको नक्सा जस्तै पूर्व पश्चिम फैलिएको छ । यस जिल्लाको सदरमुकाम सिन्धुलीमाढी हो ।
सिन्धुली जिल्लाको ५० वटा गाविस मध्ये साविकका गा.वि.स. हरु बेलघारी,भिमस्थान, जरायोटार, बालाजोर, तोश्रामखोला, बाहुनतिल्पुङ, आम्बोटे र लाम्पानटार गाविसहरुलाई समायोजन गरी तीनपाटन गाउँपालिका गठन हो । यस गाउँपालिकामा साविकको आठ वटा गा.वि.स. हरु मध्ये भिमस्थान, जरायोटार र लाम्पानटार गाविसहरुलाई विभाजन गरी जम्माकुल ११ वटा वडा बनाईएको छ । यस गाउँपालिकाको जम्मा घरधुरी ६८७९ रजम्मा जनसंख्या ३६४०५ मध्ये पुरुष१७३६३ र महिला १९०२९ रहेको छ ।
ऐतिहासिक पृष्ठभूमी 
यस गाउँपालिकाको नाम“तीनपाटन” कसरी रहनगयो भन्ने इतिहास हेर्दा परापूर्वकालमा तिनपाटन भन्नाले उपत्यका भित्र रहेका वेलघारी, भीमस्थान र जरायोटार गा.वि.स को क्षेत्रलाई परिचित भएको पाईन्थ्यो । किम्बदन्ती अनुसार पाटनका राणा प्रधानमन्त्रीका आफन्तकी छोरीलाई दाईजो दिदा त्यस बखत पाटन जतिकै क्षेत्रफल भएको तीनवटा बराबर छ भनि भनेको हुँदा तीनपाटन नाम रहनगएको भनाई रहेको छ भने अर्को किम्बदन्ती अनुसार साविक भिमस्थान गाविसको वडा नं. ९ मा पाटादेवीको मन्दिर स्थापना भएको हुँदा तीनपाटान नामाकरण रहनगएको भन्ने भनाई छ । यसै प्रसिद्ध नामबाट यस गाउँपालिकाको नामकरण गरिएको हो ।

यस रमणीय सुन्दर तीनपाटन गाउँपालिकामा विगत दुई वर्षदेखी कार्यरत रहँदा नागरिकको सेवा प्रवाह र विकास निर्माणको काममा पुर्याउनु भएको सहयोग, समन्वय, सहकार्य, गर्नहुने अध्यक्षज्यू, उपाध्यक्षज्यू, कार्यापालिका सदस्य, गाउँसभा सदस्य, गाउँपालिका केन्द्र तथा विषयगत शाखा, वडा कार्यालय र स्वास्थ्य संस्थाहरुमा कार्यरत सम्पूर्ण कर्मचारी साथीहरु, राजनैतिक दलसंग आवद्ध पदाधिकारीज्यूहरु, शैक्षिक संस्थाका पदाधिकारी तथा शिक्षकहरु, प्रहरी साथीहरु, गैरसरकारी तथा सामाजिक संघ-संस्थामा आवद्ध सहकर्मीहरु लगायत सम्पुर्ण तीनपाटनवासीमा हार्दिक आभार व्यक्त गर्दछु ।

साथै नेपालीहरुको महान् चाड विजयादशमीको उपलक्ष्यमा हार्दिक मंगलमय शुभकामना व्यक्त गर्दै दुर्गा माताले सबैलाई चुनौतीहरुको सामना गर्दै उज्वल भविव्यको पथमा अग्रसर हुने शक्ति प्राप्त गर्न प्रेरण प्रदान गरुन । शुभकामना ।

विष्णु प्रसाद सुवेदी

प्रमुख प्रशासकिय अधिकृत

तीनपाटन गाउँपालिका

आयोजक, ट्रन्स्पारेन्सी  ईन्टरनेशनल नेपाल